Apple-ի ներկայացուցիչները պատրաստ են մասնակցել ԱՄՆ կոնգրեսի լսումներին, որոնք նախատեսվում է կազմակերպել iPhone -ի «լրտեսումների»  հետ կապված հարցեր քննարկելու համար:

«Ենթադրում եմ` Apple –ը կպատասխանի  սենատում բարձրացված հարցերին: Նրանք մեզ խնդրել են ներկայանալ լսումներին, եւ մենք, բնականաբար, կհարգենք խնդրանքը», -ասել է ընկերության ղեկավար Սթիվ Ջոբզը:

Նշենք, որ ողջ աշխարհում հայտնի Apple-ի որոշ սարքավորումների  «լրտեսական ունակությունների» վերաբերյալ սկանդալը ծագել էր անցած շաբաթ, երբ մամուլում հրապարկումներ եղան այն մասին, թե ընկերության սմարթֆոներն ու պլանշետները  «հետեւում են» իրենց տերերին եւ նրանց տեղաշարժի մասին տվյալները պահպանում են առնվազն մեկ տարի: