Այսօր՝ նոյեմբերի 3-ին գիշերվա ժամը 1-ից սկսած հերթական անգամ լուրջ
խնդիրներ են ծագել «Օրանժ-Արմենիա» ընկերության ինտերնետ կապի հետ, ավելին,
մի ամբողջ շարք բաժանորդների մոտ կապն ընդհանրապես կտրվել է: Հատկանշական
է, որ բաժանորդները չեն կարողացել նաեւ զանգահարել ընկերության 555
հեռախասահամարով օպերատորներից իրավիճակը ճշտելու համար: «Զանգերի մեծ
քանակի պատճառով ազատ օպերատոր չկա: Զանգահարեք ավելի ուշ»,- մի քանի ժամ
շարոնակ պատասխանում էր համակարգիչը:
NEWS.am-ի թղթակցին մի քանի ժամ անց
միայն հաջողվել է կապվել օպերատորի հետ, ով նշել է, որ ցանցում խնդիրներ
կան եւ երկու ժամվա ընթացքում կապը կվերականգնվի: Կապը, սակայն, չի
վերականգնվել նաեւ այսօր, եւ «Օրանժի» մեկ այլ օպերատոր համոզում էր, թե
«Օրանժի» ցանցում դեռ աշխատանքները շարունակվում են:
Նշենք, որ օրվա ընթացքում բազմաթիվ ընթերցողներ զանգահարել են
խմբագրություն եւ տեղեկացրել «Օրանժ»-ի ինտերնետի հետ ունեցած խնդիրների
մասին:
«Օրանժ-Արմենիա» ընկերության մամուլի քարտուղար Լիլիթ Մարտիրոսյանը NEWS.am-ի
թղթակցի հետ զրույցում հաստատել է ինտերնետի հետ ծագած խնդիրները:
«Ցանցում խնդիրներ են եղել երեկոյան ժամը 12-ից հետո, ինչի արդյունքում
որոշ բաժանորդներ չեն կարողանում միանալ ցանցին: Տեխնիկական մասնագետներն
այժմ աշխատում են աշխատում են դրա վրա, եւ օրվա ընթացքում այն կլուծվի»,-
նշեց նա:
