Հետաքրքրական վիճակագրություն է հավաքել բրիտանացի լրագրող, գրաֆիկական
դիզայներ եւ ինոգրաֆիկայի մասնագետ Դեվիդ ՄաքՔենդլեսը։ Նա վերլուծության է
ենթարկել Facebook-ի շուրջ 10 հազար ըքաունթներ, որտեղ ստատուսներ են
գրված։
Այս անգամ լրագրողին հետաքրքրել է «բաժանվեցին» ստատուսն իր տարբեր
դրսեւորումներով՝ break up, broken up, հայտնում է TG Daily-ն։ Ինչպես
պարզվել է, հարաբերությունների խզման շրջանները այս կամ այն կերպ կապված են
տոնական սեզոնների հետ։
Լրագրողը ստացել է մի գրաֆիկ, համաձայն որի զույգերի միջեւ
հարաբերություններն ամենից հաճախ ավարտվում են սուրբ Վալենտինի օրվանից
հետո, Սուրբ ծննդյան օրերից երկու շաբաթ առաջ, գարնանային տոներին ընդառաջ
եւ երկուշաբթի օրերը։
Դիագրամից դատելով՝ բաժանումների մեծ մասը բաժին է ընկնում ապրիլի 1-ին։
Ամենակայուն շրջանները ամառային արձակուրդներին հաջորդող ժամանակահատվածն
ու Սուրբ Ծննդյան տոնից հետո եկող հաջորդ մեկ ամիսն են, հայտնում է
«Վեստին»:
