«Եվրատեսիլ-2011»-ի ադրբեջանցի մասնակիցներ Էլը (Էլդար Գասիմով) եւ Նիկկին (Նիգյար Ջամալ), պատասխանելով «Կոմսոմոլսկայա Պրավդա-Ուկրաինա»-ի ընթերցողների հարցին, կայցելեին արդյոք Երեւան, եթե մրցույթը կայանար Հայաստանում, պատասխանել են. «Մենք միշտ էլ հրավերների ենք սպասում բոլոր երկրներից: Երաժշտությունը, մշակույթը ազգության հարց չեն: Մենք ուրախ կլինենք մասնակցել համերգների ամենուրեք»:
Նշենք, որ Հայաստանը Դյուսերդորֆում կայանալիք «Եվրատեսիլ» մրցույթում այս տարի ներկայացնում է երգչուհի Էմմին` «Boom-Boom» երգով:
«Եվրատեսիլ-2011» մրցույթին հետեւելու են աշխարհի ավելի քան 50 երկրներում, իսկ լսարանի ընդհանուր թիվը կազմում է մոտ 125 միլիոն մարդ:
Նշենք, որ նախորդ տարի Օսլոյում կայացած մրցույթում հաղթեց Լենա-Մայեր Լանդրուտը: «Եվրատեսիլի» կանոններով` մրցույթն անցկացվում է նախորդ տարվա հաղթողի հայրենիքում:
